Sjantikoret med ein vri

Storm Weather Shanty Choir vil starta 2011 med sin mest uvanlege konsert til dags dato. Dei har fått i ærefullt oppdrag av Øyo 2011 å tolka ein av sine absolutt største musikalske heltar;  songaren, låtskrivaren, skodespelaren og eksentrikaren Tom Waits. Gjennom fire tiår har mannen gjeve oss eit tjuetals plater, songar som spenner frå konvensjonelle balladar til beinhard blues og jazz, frå kabaretinnspirert musikk til industrielle rytmar, og tekstar som omhandlar skuggesidene av livet; om bomsar og horer, kjærleik, død og svik. Det er med enorm ærefrykt at Storm Weather Shanty Choir går laus på sine Waitsfavorittar : “away boys, heave away”. Les meir her!